今日阿媽去買餸嘅時候發現咗一張100蚊係HD90開頭嘅假币
大鑊~就咁無啦啦唔見咗一舊水
返到屋企話俾大哥知
大哥仲半信半疑咁攞咗張真嘅100蚊出嚟對
仲口口聲聲話中央銀行表示過HD90都有真币
經過佢自己一番鑑定之後得出結論：假币!
嗰張銀紙仿真度都真係幾高架~
如果唔係網絡通報同電視及其他媒體都報導到沸沸揚揚嘅話
我諗大部份人都睇唔出嗰張係假币囉~!
以後收到100蚊紙币要認為咁睇清楚
如果唔係好容易造成不必要嘅損失就唔係咁好咯!







早上陪爸爸去醫院换藥
轉眼已經過咗啱啱好一個星期
醫生話過佢隻手要一個禮拜先可以完全消腫
今早睇上去果然唔覺得腫
骨質增生都因為貼咗兩帖鎭痛貼減少咗疼痛
大哥話嗰個醫生好似技術麻麻
睇嚟又唔多似喎~
换完藥順便去探咗前兩日入院嘅堂二哥
我諗佢係因為飲酒過多而造成腦血管栓塞
CT報告都話佢係腦血管栓塞
左手同左腳活動得唔靈活
唉~人老咗病痛就會多無可避免架嘞~
我只係話叫佢對屋企人好D唔好再搞咁多嘢喇!
有起事上嚟始終都係要自己屋企人照顧
出面嘅人冇事就當然當你係寳有事睬你都生臭狐啦!
喺佢隔離床嘅係我舊老細個老豆
起初我唔認得佢
聽到佢閙人哋似成道墙咁遮著佢視線先認真咁望清楚佢個樣又睇咗床頭卡先確定
點知初頭我同佢講咗好多嘢佢都唔認得我
到後來我講咗名俾佢知先記得
仲話幚我睇相添~搞嘢到咩咁!